به محاسبین مالیاتی جواز فعالیت اعطا گردید
د مالیې وزارت د عوایدو لوی ریاست لخوا د یو لړ مراسمو په ترڅ کي مالیاتي محاسبینو ته د فعالیت جوازونه ورکړل سول.
مالیاتي محاسب هغه حقیقي شخص دئ، چي د عوایدو لوی ریاست له لوري د محاسبینو د طرزالعمل سره سم په مالیاتي چاروکي د جواز درلودونکی وي او د مالیاتي قوانینو په رڼا کي د مالیه ورکونکي له حقوقو څخه دفاع او استازولي، د مالیه ورکوونکي د مالیې سنجول، د مالیې د صورت حسابونو برابرول، د سندونو د قانوني پړاوونو تعقیبول، مشوره او تخنیکي مرسته کول یې دندې شمېرل کېږي.
مالیاتي محاسبینو ته د فعالیت جوازونو د ورکړي غونډه د مالیې وزارت په خیبر صالون کي جوړه سوې وه، چي پکښي د یاد وزارت اړوند د ګڼو ریاستونو رئیسانو او رسنیو ګډون کړی وو.
مالیې وزارت د مالیاتي محاسبینو د جذب او روزني دغه پروسه د شفافیت قایمولو او د فساد د مخنیوي په موخه د مسلکي او ژمنو اشخاصو د جذب لپاره په لاره اچولې ده، چي د مالیاتي محاسبینو د روزني او جواز ورکولو دغه لړۍ به دوام ومومي او په راتلونکي کي به د هیواد په کچه علمي کدرونو او فارغ سوو محصلینو ته په دې پروسه کي د ګډون ښه فرصتونه برابر سي.
د غونډې په ورستیو کې ۲۱ تنو مالیاتي محاسبینو ته د فعالیت جوازونه هم ورکړل سول.
