د مزارشریف د سري او برېښنا (کود او برق) د تولید دولتي شرکت د راتلونکي تولیدي کال متوقعه د کیمیاوي سرې داوطلبۍ ته وړاندي سوه
د مالیې وزارت د دولتي شرکتونو عمومي ریاست اړوند مزارشریف د سرې او برېښنا د تولید دولتي شرکت، تولیدیدونکې متوقعه کیمیاوي سره د پلور په موخه آزادي مزایدې ته وړاندي سوه.
د آزادي مزایدې (داوطلبۍ) په دې مراسمو کي د مالیې وزارت د دولتي شرکتونو عمومي رئیس ښاغلی الحاج مولوي عبدالحمید آخندزاده، د دولتي شرکتونو عمومي ریاست، تجارتي رئیس نوید احمد عازم، سوداګرو، رئیسانو، آمرینو، د مزارشریف د سري او برښنا دولتي شرکت سرپرست رئیس او د یاد دولتي شرکت نورو مسؤلینو هم ګډون کړی وو. د دولتي شرکتونو عمومي رئیس مولوي عبدالحمید اخندزاده ګډونوالو ته د ښه راغلاست ترڅنګ او په دغه داوطلبۍ کې د خیر او برکت په غوښتلو سره وویل، چي ملي سوداګر د هیواد پانګه ده او موږ غواړو چې دوی ته ښه او مناسب قیمتونه وړاندي کړو. هر څه مو د خپل هیواد دي او خپل ملي سوداګر یې پېري او بیا یې د هیواد مهم قشر چي بزګران دي ورته وړاندي کوي. موږ له دوی سره په چارو کي شریک یو او دا اسلامي نظام هم د هیواد د اتلو سوداګرو پر پیسو ولاړ دئ
د دواطلبۍ په دغه غونډه کي د یاد دولتي شرکت تولیديدونکې کیمیاوي سره (یوریا کود) د اوو(۷) خصوصي شرکتونو ترمنځ مزایدې ته وړاندي سوه، چي د یادي داوطلبۍ په پایله کې د عبدالحنان شرکت لخوا د ۲۵۶۰ افغانۍ نرخ په وړاندي کولو سره ګټونکی وپېژندل سو. دغه خصوصي انفرادي شرکت کولای سي له دې وروسته د کود او برق دولتي شرکت تولید سوې کیمیاوي سره وپېري او د هیوادو بزګرانو ته یې په غوره او ښه قیمت وړاندي کړي.
د یادوني وړ ده، چي په نوموړې مزایده کي د افغان کارټ دولتي شرکت هم ګډون کړی وو.
