د مالیې وزیر د ګمرکونو او عوایدو معینیت له چارو څخه لیدنه وکړه
د مالیې وزیر ملا محمد ناصر اخوند نن د ګمرکونو او عوایدو معینیت له چارو څخه لیدنه وکړه او هلته ئې د یاد معینیت له معین الحاج مفتي عبدالمتین سعید او اړوندو رئیسانو سره ولیدل.
په دې لیدنه کي د مالیې وزیر ګډونوالو ته په خپلو چارو کي د لا ښه والي او د مراجعینو ستونزو ته د رسېدو په برخو کي لازمي سپارښتني وکړې.
د ګمرکونو او عوایدو معین هم د ځینو سته ستونزو یادونه وکړه، چي د مالیې وزیر له لوري د ژر حل کېدو ډاډ ورکړل سو.
د یادوني وړ ده، چي د ګمرکونو او عوایدو معینیت د مالیې وزارت څخه ليري د کابل-جلال اباد په لویه لار کي موقعیت لري؛ نو اړتیا ته په کتو سره ئې د مالیې وزیر له چارو څخه ليدنه کوي.
