مالیې وزارت د اداري معینیت اداري ناسته ترسره سوه
د مالیې وزارت د اداري معین مولوي حمدالله زاهد په مشرۍ اداري ناسته د یو شمیر رئیسانو او مسؤلینو په ګډون، د مالیې وزارت په خیبر صالون کي ترسره سوه.
په پيل کي د مالیې وزارت اداري معین مولوي حمدالله زاهد ګډونوالو ته ښه راغلاست ووایه او زیاته یې کړه، چي د وزارت اړوند د ټولو ریاستونو د اداري مسؤلیتونو د ښه ترسره کولو په موخه مو ګډه اداري ناسته جوړه کړې ده، تر څو د چارو د ښه پرمختګ لپاره ستونزي رابرسیره کړو او په ګډه ورته د حل غوره لاري چارې وړاندي کړو.
ورپسې په نوبت سره د مالیې وزارت د مالیې او اداري لوي ریاست، د دولتي شرکتونو لوي ریاست، د بیمو لوي ریاست، د دولتي املاکو لوي ریاست، د تدارکاتو ریاست او د بشري سرچینو ریاست رئیسانو د یادو ریاستونو یو کلنۍ لاسته راوړني او شته ستونزي شریکي کړې، چي د هر ریاست پر موجودو ستونزو جلا بحثونه وسول؛ د کارپوهانو او ګډونوالو نظرونه واورېدل سول او د ستونزو د حل په موخه لازمي حل لاري وړاندي سوې.
په پای کي د مالیې وزارت اداري معین مولوي حمدالله زاهد ټینګار وکړ، تر څو د ریاستونو د ستونزو د حل په موخه دي عملی کړني ترسره سي او یادونه یې وکړه، چي د اداري معنیت د ناستو لړۍ به په منظم ډول دوام ومومي.
