د بلخ ګمرک نویو ګومارل سوو کارکوونکو ته درې میاشتنی روزنیز ورکشاپ پای ته ورسېد!
د بلخ ګمرک نویو ګومارل سوو کارکوونکو ته د ګمرکونو او عوایدو ملي اکاډمۍ له لوري جوړ سوی (۳) میاشتنی روزنیز ورکشاپ پای ته ورسېد.
یاد ورکشاپ، چي د بلخ په ګمرک کي جوړ سوی وو، د یاد ګمرک (۱۰۵) تنه کارکوونکو ته په ټولو ګمرکي چارو کي عملي او نظري روزنه ورکړل سوه.
د دې ورکشاپ په پای غونډه کي، چي د بلخ ګمرک رئیس ښاغلي مولوي عبدالله بلال او معاونینو ګډون کړی وو، د بلخ ګمرک رئیس د کارکوونکو د وړتیا لوړولو په برخه کي د ګمرکونو اوعوايدو ملي اکاډمۍ د هڅو ستاينه وکړه او د یاد ورکشاپ جوړول ئې اړین یاد کړل او زیاته ئې کړه، چي له دې سره به د بلخ په ګمرک کي رواني چاري لا چټکي او مسلکي سي.
د یادوني وړ ده، چي د ګمرکونو او عوایدو ملي اکاډمۍ د کارکوونکو د وړتیا لوړولو په موخه ورته روزنیز ورکشاپونه په مرکز او ولایتونو کي جوړوي، چي دا لړۍ به همداسي دوام و مومي.
