د افغانستان او روسیې ترمنځ د ګډو اقتصادي همکاریو له پاره د معقولي طرحي پر جوړولو خبري وسوې!
د غویي ۱۷مه ۱۴۰۴هـ.ل
د افغانستان او فدراتیفي روسیې ترمنځ د ګډو اقتصادي او سوداګریزو همکاریو د پراختیا له پاره د یوې معقولي طرحي د جوړولو په موخه تخنیکي- بین الوزارتي غونډه وسوه.
د مالیې وزارت د همغږۍ، څارني او راپور ورکولو لوی ریاست په مشرۍ او د وزارتونو او سکټوري ادارو د استازو په ګډون، د افغانستان او فدراتیفي روسیې ترمنځ د دوه اړخیزو همکاریو، د اقتصادي او سوداګریزو اړیکو د پراختیا او د یو شمېر نورو مهمو اقتصادي مسايلو په تړاو خبري او سلا مشورې وسوې.
د ناستي په پای کي ګډه پرېکړه وسوه؛ څو له روسیې سره د دوه اړخیزه اقتصادي همکاریو د بېلابېلو اړخونو او تګلارو د رابرسېره کولو په موخه معقوله او هر اړخیزه طرحه رامنځته سي.
