د خزاینو لوی ریاست پلاوي، لغمان، ننګرهار، کونړ او نورستان ولایتونو ته سفر وکړ
د افغانستان د مالي مدیریت معلوماتي سیسټم (افمیس) رئیس ستارالدین معتصم او د محاسباتو رئیس محب الله صاحبزاده په مشرۍ د مالیې وزارت د خراینو لوی ریاست ( ۱۴) کسیز تخنیکي پلاوي، لغمان، ننګرهار، کونړ او نورستان ولایتونو ته سفر وکړ او د ولایتي ادارو د مالي چارو ارزونه ئې وکړه.
دغه پلاوي د یادو ولایتونو د مستوفیتونو په ګډون، د ټولو ولایتي ادارو د مالي مسؤلینو سره د لګښتونو د اجراء په برخه کي د ستونزو د حل په موخه لیدني وکړې؛ تر څو ولایتي ادارې وکولای سي پر وخت او دقیقه توګه خپل لګښتونه اجراء کړي.
یاد پلاوي د بې ځایه لګښتونو د مخنیوي، د بیروکراسۍ ختمولو، د مستوفیتونو او ولایتي ادارو ترمنځ د همغږۍ پیاوړي کولو، په اداري کړنو کي د روڼتیا او ښه والي راوستلو، د اوږدو پروسو لنډولو، د دقیق او پر وخت حساب ورکولو او نورو اړوندو موضوعاتو په تړاو له مسئولینو سره سلا مشورې وکړې.
