د افغانستان د نفتو او ګازو دولتي شرکت د مدیره پلاوي غونډي د دولتي بنسټونو او خصوصي سکټور لخوا د اړتیا وړ نفتي موادو او مایع ګازو د وېش طرزالعمل تائید کړ
د افغانستان د نفتو او ګازو دولتي شرکت د مدیره پلاوي غونډه د مالیې وزارت د استازي او د دغه شرکت مدیره پلاوي د رئیس سلطان محمد زبیر په مشرۍ د دولتي شرکتونو عمومي ریاست په تالار کي ترسره سوه.
په دې غونډه کي له اجنډا سره سم په بغلان ولايت کي د تاله او برفک د تېلو پمپ د څلور مياشتني فعالیت په ځنډېدو، د حيرتان د نفتو او ګازو رياست اړوند د (١٨) قطعې ځمکي د برخليک، د نفتو او ګازو شرکت د جایدادونو د طرزالعمل، د مؤسسو، دولتي ادارو، بنسټونو او خصوصي سکټور د اړتیا وړ نفتو او مایع ګازو د موادو وېش، د (۱۴۰۲) کال تدارکاتي پلان، د (۱۴۰۲) کال مالي پلان، د شرکت پنځه کلن ستراتیژیک پلان، د هلمند ولایت د لښکرګاه د پمپ سټېشن د قراردادي ستونزي د حل او نورو اړوندو موضوعاتو په اړه بحث او اړیني پرېکړي وسوې.
د افغانستان د نفتو او ګازو دولتي شرکت د مدیره پلاوي د غونډي له هر اړخیزو بحثونو وروسته د دغه شرکت د (۱۴۰۲) کال لپاره مالي او تدارکاتي پلان او وړاندي سوي طرزالعملونه تائید کړل.
همدا راز د مدیره پلاوي غونډي لارښوونه وکړه، چي پنځه کلن ستراتیژیک پلان دي د لا زیاتي همکارۍ او غني کولو په موخه د دولتي شرکتونو له عمومي ریاست سره شریک سي.
