د خوست په ګمرک کي ګمرکي اظهارلیک او د داخلي ټرانزیټ سند سره ونښلول سول
د ګمرکونو لوی ریاست د ګمرکي پروسو د معیاري کولو په لړ کي د خوست ولایت ګمرک کي ګمرکي اظهارلیک او د داخلي ټرانزیټ سند (T1) د اسیکوډا سیسټم له لاري سره ونښلول سول.
له دې وروسته به هر یو (T1) له اظهارلیک سره طی مراحل کېږي او تر څنګ به ئې د (T1) د اعتبار پروسه هم سیسټمي سي.
همداشان د دې پروسې په پلي کېدو سره د پخوا په پرتله په ګمرکي پروسو کي سوداګرو ته اسانتیا رامنځته او په ګمرکي پړاوونو کي به روڼتیا زیاته سي.
د یادونې وړ ده چي په نږدې راتلونکي کي به یاده پروسه په پاتي نورو ګمرکونو کي هم پلي سي.
