د ساتني او ځانګړو عملیاتو تنفیذي قطعې د پلان او اوپراسیون پلاوي د هيواد یو شمېر زونونو ته سفر وکړ!
د غبرګولي ۱۰مه ۱۴۰۴هـ.ل
د مالیې وزارت د ساتني او ځانګړو عملیاتو تنفیذي قطعې یو څېړنیز پلاوي، چي مشري ئې د پلان او اوپراسیون مدیر حافظ مولوي ریاض الله "عبید" کوله؛ د چارو او فعالیتونو د کتني او ارزوني په موخه د لوګر، پکتیا، پکتیکا، خوست، لغمان، ننګرهار، کونړ، نورستان، کاپیسا، پروان او پنجشیر ولایتونو اړوند د ګمرکونو او مستوفیتونو له امنیتي مفرزو څخه لیدنه وکړه.
دغه پلاوي د امنیتي مفرزو له مسئولینو او منسوبینو سره د لیدني پر مهال د اطاعت، اخلاص، د دندو د ترسره کولو پر مهال په ګمرکونو او مستوفیتونو کي له سوداګرو او مراجعینو سره د ښه چلند او د مسؤلینو ترمنځ د اطاعت پذیرۍ پر موضوعاتو خبري او اړیني لارښووني شریکي کړې.
همدا راز، د ګمرکونو او مستوفیتونو نوې امنیتي سروې، د لوجیستيکي او مخابروي اجناسو نوی ثبت او موجودي، د اداري سیسټم د لا پیاوړتیا په تړاو هر اړخیز نظارت، څېړنه، تصحیح، تدقیق، ثبت او سجل ترسره سو.
د یادوني وړ ده، چي یاد پلاوي د دې سفر په لړ کي د نورو چارو ترڅنګ د لا غوره همغږۍ په موخه د ذکر سویو ګمرکونو او مستوفیتونو له محترمو رئیسانو او مستوفيانو سره هم ليدني وکړې.
