د مالیې وزارت سرپرست او د افغانستان لپاره د ملګرو ملتونو پراختیایي ادارې رئیس د خبرو اصلي محور د پایداره پراختیا اهداف پلي کول وو
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د سلواغې میاشتې په ۱۶ مه نېټه د افغانستان لپاره د ملګرو ملتونو پراختیایي ادارې له رئیس ښاغلي عبدالله الدرداري، سره په مالیې وزارت کې وکتل.
دواړو لوریو په دې لیدنه کې د ملګرو ملتونو پایداره پراختیایي موخو (SDG) پلي کولو په څرنګوالې، په را روانو (۲۰۲۱-۲۰۲۵) کلونو کې د افغانستان لپاره د ملګرو ملتونو د نوي پروګرام په تړاو بحث او د نظرونو تبادله وکړه.
په پای کې پرېکړه وشوه، چې د راتلونکو کلونو لپاره دي د ملګرو ملتونو د نویو پروګرامونو د ارزونې لپاره یو ګډ تخنیکي ټیم له نږدې کار وکړي.
