د مالیې وزارت سرپرست د کابل له ښاروال سره وکتل
د مالیې وزارت سرپرست محمد خالد پاینده، نن د کابل له ښاروال داؤد سلطان زوی، سره په مالیه وزارت کې وکتل.
دواړو لوریو په دې کتنه کې د اړینو پروژو چې د ملي بودیجې سند او ډونرانو له لوري تمویلېږي، شته ستونزو او د هغه په حل لارو، د یادو پروژو د معیاد په تمدید، د کابل ښاروالۍ د پلان شویو پروژو په ملاتړ، د کابل ښاروالۍ د خدمتونو له درکه په یو شمېر وزارتونو او ادارو باندي د باقيداریو او نورو ورته مسایلو په تړاو خبرې او د نظرونو تبادله وشوه او په دې برخه کې لازمې پرېکړې ونیول شوې.
