د مالیې وزارت نوماند وزیر او سرپرست د پکتیا له والي سره د دې ولایت په بودیجوي مسایلو خبرې وکړې
د مالیې وزارت نوماند وزیر او سرپرست ښاغلي عبدالهادي ارغندیوال نن د وږې میاشتې په ۱۳مه نېټه د پکتیا له والي ښاغلي محمد حلیم فدایې سره په ماليې وزارت کې وکتل.په پیل کې د پکتیا والي د اقراء پروژې له لارې په یاد ولایت کې د ښوونځیو او په دې ولایت د ۲۰۰ بستریز روغتون جوړیدو د بودیجوي مسایلو په حلولو، د سیدکرم له ولسوالۍ څخه تر تشلق پورې د سړک په جوړولو او همداشان د زرمت سړک په جوړیدو، د پروژو د حفظ مراقبت لپاره د بودیجې په ځانګړې کولو او د دولتي ادارو د خالي بستونو د اعلانولو په اړه خبرې وکړې او په یادو برخو کې یې د مالیې وزارت له سرپرست څخه د همکارۍ غوښتنه وکړه.
د مالیې وزارت سرپرست وویل چې روان مالي د حکومت زیاته پاملرنه د کرونا ویروس خپریدو سره مبارزې او د دې ویروس اقتصادي او ټولنیزو اغیزو ته وو، بیا هم موږ هڅه کو چې مالي امکاناتو ته په کتو سره د یاد ولایت بودیجوي مسایلو ته رسیدنه وکړو.
د مالیې وزارت س
د مالیې وزارت سرپرست د خالي بستونو په اړه وویل چې مالیې وزارت په پام کې لري څو د روان مالي کال تر پایه ټول اړوند خالي او غیر رقابتي بستونه اعلان کړي څو ژمن کارکوونکي د ازادې سیالۍ له لارې وګماري. نوموړي د پکتیا والي ته ډاډ ورکړ چې د یاد ولایت خالي بستونو ته به لومړیتوب ورکړي.
