د مالیې وزیر د خوندي اسنادو د چاپ مطبوعې څخه لیدنه وکړه
د مالیې وزارت اړوند د خوندي اسنادو د چاپ مطبوعه، چي په عصري او پرمختللو چاپي وسایلو سمبال ده؛ د هیواد او سیمي په کچه د چاپي صنعت په برخه کي یوه پیژندل سوې مطبوعه ده. د خوندي اسنادو د چاپ مطبوعې یاد ارزښت ته په پام د مالیې وزیر الحاج ملا هدایت الله بدري له یادي مطبوعې څخه لیدنه وکړه او د مطبوعې مسؤلینو ته یې د چارو د لا ښه والي په برخه کي لارښووني وکړې، د هر ډول همکارۍ ډاډ يې ورکړ او همدا راز یادونه یې وکړه، چي د خوندي اسنادو د چاپ مطبوعې د عصري تعمیر د جوړولو چاري به بیا پیل سي، چي نوی تعمیر به په عصري او اساسي بڼه ورغول سي.
