د مسلم سوداګریز مرکز د جوړولو پروژې له پاره د آفر ګشایي ناسته وسوه!
د غويي ۶مه ۱۴۰۴هـ.ل
د مالیې وزارت د امارتي املاکو لوی ریاست د مسلم سوداګریز مارکېټ، چي د (۱۰) نمبر دوکان په نوم پېژندل کېږي او د کابل ښار (۱۱) ناحیې د لېسه مریم په سیمه کي موقعیت لري، د جوړولو او پانګوني په موخه ناسته د داوطلبانو په ګډون، د دې وزارت په خیبر تالار کي وسوه.
په دې ناسته کي (۲۵) داوطلبو شرکتونو، چي د هيواد په اقتصادي پراختیا او وده کي د پانګوني غوښتونکي ول برخه اخیستې وه.
دا سوداګریز مارکېټ به د ځمکپوړ په ګډون په اتو پوړونو کي، چي مساحت ئې (۲۳۲) متره مربع دئ جوړ او د هيوادوالو له پاره به کاري فرصتونه هم برابر کړي.
د یادولو وړ ده، چي د تحلیل او ارزوني کمېټې له خوا له بیاکتني وروسته به وړاندیز سوې طرحه د وروستۍ پرېکړي او ګټونکي شرکت د اعلانولو له پاره د ریاست الوزراء معاونیت ته وړاندي سي.
