د ننګرهار په ګمرک کي قاچاق کېدونکي قیمتي ډبري نیول سوي دي
د ننګرهار ولایت تورخم په ګمرک کې د ګمرک د ریاست اړوند چک پوسټونو د مسؤلینو له لوري ګاونډي هیواد ته قاچاق کېدونکي قیمتي ډبري نیول سوي دي.
د ننګرهار ګمرک د مسؤلینو له قوله دغه قیمتي ډبري چي په یوه ټېلر موټر کي په ماهرانه ډول ځای پر ځای سوي وې، ورسره د قاچاق مسؤل او موټر چلوونکی دواړه لاس په لاس نیول سوي دي.
په دغو قیمتي ډبرو کې د ۵۷۰ کیلو ګرامه وزن په لرلو کونذیټ او د نیفریټ په نامه قیمتي ډبري چي وزن یې ۴۱۶ کیلو ګرامه وو د پلټني د مسؤلینو لاسته ورغلي دي.
دا په داسي حال کي ده، چي څه موده وړاندي د همدې ګمرک د پلټني او تالاشیو یا چک پوسټونو کي د ګمرک د مسؤلینو له لوري ګاونډي هیواد ته يوه اندازه ميس، درمل، ښځينه وېښتیان او نور با ارزښته توکي چي په ناقانونه او قاچاقي توګه لېږدول کېدل نیول سوي وو.
