د نیمروز او فراه په ولایتونو کي یوه اندازه قاچاقي توکي ونیول سول!
د نیمروز او فراه ولایتونو د ګمرکونو د ګرځنده څارني کارکوونکو د یادو ولایتونو په بېلابېلو سیمو کي یوه اندازه قاچاقي توکي کشف او نیول.
په نیول سوو توکو کي (۱۸۲۰) کیلو ګرامه پاکستاني انساني طبي درمل، (۲۹۷۶۰) پاکټه نشه یي درمل، (۶۰۵) کیلو ګرامه رُب، (۲۳) بستې لوبیا، (۳۳۶) کیلو ګرامه پلاستیک او (۵۴۳) کیلو ګرامه چاکلېټ شامل دي، چي قاچاق کوونکو غوښتل په پټه ئې هیواد ته راوړي.
یاد نیول سوي توکي او عاملین ئې د نورو څېړنو او اجراآتو لپاره اړوندو ګمرکونو ته سپارل سوي.
د یادوني وړ ده، چي اوسمهال د هیواد په ټولو لویو لارو کي د مالیې وزارت د ګمرکونو لوی ریاست د ګرځنده څارني ټیمونه فعال دي او چاته اجازه نه ورکوي، چي ممنوعه او قاچاقي توکي صادر او یا وارد کړي.
