د نیمروز ګمرک د ګرځنده څارني کارکوونکو بېلابېل قاچاقي توکي نیولي دي!
د نیمروز ګمرک د ګرځنده څارني کارکوونکو د دې ولایت په اړوندو سیمو کي بېلابېل قاچاقي توکي کشف او نیولي دي.
په نیول سوو توکو کي (۱۴) ټنه مالټې، (۱۴) پارسله پلاستیک، (۱۴۸۱) کارټنه خوراکي رُب او (۱۵) عرادې موټرسایکلونه شامل دي، چي قاچاقچیانو غوښتل په پټه ئې هیواد ته را وارد کړي نیول سوي دي.
همدا رنګه په دې توکو کي (۹۲۰) کیلو ګرامه د انسان د سر وېښتان، چي قاچاقچیانو غوښتل پاکستان هیواد ته ئې په قاچاقي ډول ولېږدوي، کشف او نیولي دي.
یاد توکي د نورو اجراآتو لپاره د نیمروز ګمرک ته سپارل سوي او تورن کسان به ئې اړوندو عدلي او قضایي ارګانونو ته ور وپېژندل سي.
