د هرات ولایت د اسلام کلا او تورغونډۍ په سرحدي ګمرکونو کي امنیتي کېمرې نصب او فعالي سوې
د غبرګولي ۷مه ۱۴۰۴هـ.ل د مالیې وزارت د ګمرکونو لوی ریاست له لوري د هرات ولایت د اسلام کلا په سرحدي ګمرک کي (۵۱) او د تورغونډۍ په سرحدي ګمرک کي (۲۹) امنیتي کېمرې نصب او فعالي سوې، چي یادي کېمرې به په نږدې راتلونکي کي له مرکز سره هم ونښلول سي. د دغو امنیتي کېمرو په نصبولو سره به د امنیتي مسایلو ترڅنګ د ګمرکي سرغړونو او د پېښو د مخنیوي په برخو کي هم د پام وړ اسانتیاوي رامنځته سي. د یادوني وړ ده، چي د مالیې وزارت ژمن دئ، چي د هیواد ټول ګمرکونه په معیاري برېښنايي سیسټمونو سمبال کړي؛ ترڅو هیوادوالو په ځانګړي ډول سوداګرو ته د پام وړ اسانتیاوي برابري سي.
