د هرات په ګمرک کي د (٢٦٤) کیلو ګرامه د ایراني قاچاقي زعفرانو له وارداتو څخه مخنیوی وسو!
د زمري ۳مه ١٤٠٤ه.ل
د هرات ګمرک د ګدام او تشرېح برخي کارکوونکو په یوې وارداتي محموله کي (٢٦٤) کیلو ګرامه ایراني زعفران ونیول، چي قاچاق کوونکو غوښتل په قاچاقي ډول ئې افغانستان ته راوړي.
یاد نیول سوي ایراني زعفران، چي په ډېر مهارت سره په یو یخچالي موټر کي ځای پر ځای سوي ول، قاچاق کوونکو غوښتل، چي بیرته ئې د افغانستان د زعفرانو په نوم بهرنیو هیوادونو ته صادر کړي.
د یادولو وړ ده، چې نیول سوي زعفران او تورن کسان به د نورو اجراآتو له پاره اړوندو ارګارنونو ته ور وپېژندل سي.
