د ولایتي عوایدو پراختیا او همغږۍ ریاست د هیواد مستوفیتونو له مسؤلینو سره انلاین ناسته وکړه
د مالیې وزارت د عوایدو لوی ریاست کفیل او عملیاتي مرستیال ښاغلي حافظ خلیل احمد ابولاحسان په مشرۍ او د ولایتي عوایدو پراختیا او همغږۍ رئیس ښاغلي انجنیر عبدالله حیدري، د غیرمالیاتي عوایدو ریاست، د عوایدو سیسټم ریاست، د حقوقي خدمتونو او عوایدو پالیسۍ ریاست، د عوایدو تحقیق، پلان او څارني ریاست استازو، د مالیې وزارت مالي او اداري معینیت استازو او د هیواد مستوفیتونو مسؤلینو په ګډون پرلیکه(انلاین) ناسته ترسره سوه.
په دغه ناسته کي په راڼه او سیسټماټیک ډول د عوایدو راټولولو، عوایدي موخو څېړلو، د روان کال د بودیجې لګښت او راتلونکي کال د بودیجې پلان، د مستوفیتونو ستونزو او وړاندیزونو په اړه بحث او خبري وسوې.
د هیواد د مستوفیتونو مسؤلینو د اطاعت پذیرۍ، پر خپلو ژمنو پاتې کېدل او په ریښتينې توګه د ورسپارل سوو دندو ترسره کول د خپلو لاسته راوړنو او بریاوو پایلي یادي کړې.
