د ولایتي ګمرکونو ۲۷ کارکوونکو ته شپږ ورځنی روزنیز ورکشاپ ورکول سو
د افغانستان لاس بې اسنادو (یو کیلي) موټرو د طی مراحلو پروسې اړوند کارکوونکو ته جوړ سوی شپږ ورځنی روزنیز ورکشاپ نن پای ته ورسید.
دا ورکشاپ چي د ولایتي ګمرکونو د کارکوونکو لپاره د ګمرکونو او عوایدو په ملي اکاډمي کي دایر سوی وو، یادو کارکوونکو ته د بې اسنادو موټرو د ثبت او محصول د پروسې په اړه بشپړه روزنه ورکړل سوه، چي له دې سره به په ولایتونو کي یاده پروسه نوره هم چټکه سي.
د یادوني وړ ده چي په دې روزنیز ورکشاپ کي د ولایتي ګمرکونو ۲۷ اړوندو کارکوونکو ګډون کړی وو، چي دوی ته د نظري روزني تر څنګ عملي روزنه هم ورکړل سوه.
