د پکتیا ګمرک د هنګرونو او موټرونو د تمځای جوړولو پروژې چاري په چټکۍ سره رواني دي!
د ګمرکونو لوی ریاست له لوري د (۴۷،۴) میلیونه افغانیو په ارزښت د پکتیا په ګمرک کي د دوه بابه هنګرونو او د موټرونو د تمځای جوړولو پروژې چاري په چټکۍ سره رواني دي.
تر دې مهاله د یاد ګمرک د هنګرونو چاري (۸۰) سلنه او د پارکینګ چاري نږدې (۳۰) سلنه پر مخ تللي او د روان کال تر پایه به ئې پاتي چاري هم بشپړي سي.
د یادوني وړ ده، چي د دې پروژې بودیجه د مالیې وزارت له پراختیایې بودیجې څخه ورکول کېږي، چي په جوړېدو سره به ئې سوداګرو، موټرچلوونکو او د ګمرک کارکوونکو ته ګڼي اسانتیاوي برابري سي.
