د پکتیا ګمرک د هنګرونو د جوړولو چاري (۵۰) سلنه پر مخ تللي دي!
د مالیې وزارت د ګمرکونو لوی ریاست له لوري د سوداګریزو توکو د خوندیتوب په موخه د پکتیا په ګمرک کي د (۳۳) میلیونه افغانیو په ارزښت د دوه بابه هنګرونو د جوړولو چاري په چټکۍ سره رواني دي، چي تر دې مهاله ئې رغنیزي چاري (۵۰) سلنه پر مخ تللي دي.
د یادو هنګرونو د جوړولو لګښت د مالیې وزارت له پراختیایي بودیجې څخه ورکول کېږي، چي چاري به ئې ژر بشپړي او په جوړېدو سره به ئې سوداګرو ته په اړوندو برخو کي زیاتي اسانتیاوي را منځته سي.
د یادوني وړ ده، چي د مالیې وزارت د هیواد د ګمرکونو بیا رغوني، عصري کولو او ټولو اړینو امکاناتو برابرولو ته بشپړ ژمن دئ او په دې برخه کي ئې ګڼي پروژې پلي کړي دي
