د کارکوونکو چارو ریاست د پنځه کلن ستراتیژیک پلان د ارزوني ناسته وسوه!
د غبرګولي ۵مه ۱۴۰۴هـ.ل
د مالیې وزارت اداري معین مولوي دوست محمد مخلص په مشرۍ او د کارکوونکو چارو رئیس مولوي عبیدالله ابو احمد او اړوندو مسئولینو په ګډون د کارکوونکو چارو ریاست د (۵) کلن ستراتیژیک پلان د ارزوني ناسته وسوه.
په پیل کي د کارکوونکو چارو ریاست د مسئولینو له لوري د یاد (۵) کلن ستراتيژیک پلان هر اړخیزه تشرېح ترسره او په اړه ئې ګډونوالو هم خپل نظرونه وړاندي کړل.
وروسته بیا د مالیې وزارت اداري معین دغه ستراتيژیک پلان یو غوره او ستر ګام یاد کړ او د چمتو کولو له پاره ئې له اړوندو مسئولینو څخه مننه او قدردانی وکړ. نوموړي هیله څرګنده کړه، چي د دغه پلان په غوره تطبیق سره به د بشري سرچینو په برخه کي سته ستونزي حل او د ګومارني په برخو کي به اړیني اسانتیاوي رامنځته سي.
د یادوني وړ ده، چي دغه ستراتيژیک پلان هر اړخیز او منظم پلان دئ او موخه ئې د نظام پیاوړتیا او د متخصصو اشخاصو ګومارنه ده، چي د یوه کال په موده کي د راتلونکو (۵) کلنو له پاره ترتیب سوی او له ارزوني، بیا کتني او تائید وروسته به په منظم ډول پلی سي.
