د ګمرکونو او عوایدو معین د هیواد شمالي ولایتونو ته سفر وکړ!
د چنګاښ ۱۷مه ۱۴۰۴هـ.ل
د مالیې وزارت د ګمرکونو او عوایدو معین الحاج مفتي عبدالمتین سعید د یو پلاوي په مشرۍ، چي د ګمرکونو لوی رئیس او یو شمېر نورو مسؤلینو ئې ملتیا کوله، د هیواد شمالي ولایتونو؛ بغلان، سمنګان او بلخ ته رسمي سفر وکړ او هلته ئې د ولایتي مسؤلینو سره وکتل.
د ګمرکونو او عوایدو معین او مل پلاوي ئې د بغلان او سمنګان ولایتونو له والیانو او مستوفیانو سره د ليدنو سربېره، د بلخ ولایت له والي، د دغه ولایت د مستوفيت له مسؤلینو، د ګمرک له رئیس او ددې ولایت له سوداګرو سره هم په جلا توګه وکتل او په یاد ولایت کي ئې د شاوخوا (۲۷) میلیونه افغانیو په ارزښت د هنګر جوړوني پروژې له چارو څخه هم له نږدې ليدنه وکړه.
ښاغلي سعید د یادو ولایتي برخو مسئولینو ته په پوره صداقت او ایماندارۍ سره د اړوندو چارو د ترسره کولو، پر وخت د مراجعینو ستونزو ته د رسېدو، د ولایتي ادارو ترمنځ په اړوند چارو کي د اړیني همغږۍ رامنځته کولو، په شفاف ډول د عوایدو د راټولولو او یو شمېر نورو موضوعاتو په تړاو لازمي سپارښتني وکړې.
نوموړي د ولایتي مسئولینو او سوداګرو ستونزي واورېدې او ورته د اصولي رسېدني ډاډ ئې ورکړ.
