د ګمرکونو لوی رئیس د تورخم په ګمرک کي د راستنېدونکو کډوالو له پاره د ګمرکي اسانتیاوو په رامنځته کېدو ټینګار وکړ!
د وري ۲۵مه ۱۴۰۴هـ.ل
د مالیې وزارت د ګمرکونو لوی رئيس الحاج مولوي محمد حامد احمد، چي په رسمي سفر ننګرهار ولایت ته تللی، هلته ئې د ولایتي مسؤلینو په ملتیا د دغه ولایت د ګمرک له چارو څخه د لیدني تر څنګ، په تورخم کي د راستنېدونکو کډوالو د راستنېدني بهیر څخه له نږدې لیدنه وکړه.
د ګمرکونو لوی رئیس له پاکستان هیواد څخه په جبري ډول د رایستل سویو هیوادوالو له پاره د ګمرکي اسانتیاوو د رامنځته کولو په موخه د تورخم ګمرک مسئولینو ته لازمي سپارښتني وکړې، څو راستنېدونکي هیوادوال په اړوندو برخو کي له کومي ستونزي سره مخ نه سي.
د تورخم ګمرک مسئولینو په دې برخه کي د لازمو اسانتیاوو د رامنځته کولو کلک هوډ څرګند کړ او هيواد ته د کډوالو د هوسا راستنېدني په موخه ئې د هر اړخیزي همکارۍ بشپړ ډاډ ورکړ.
