د ۵۴ میلیونه افغانیو په ارزښت د نیمروز ولایت د بندر والۍ له پاره د موټرونو تمځای جوړېږي!
د وري ۲۱مه ۱۴۰۴ هـ.ل
د مالیې وزارت د ګمرکونو لوی ریاست له لوري د (۵۴،۲) میلیونه افغانیو په ارزښت د نیمروز ګمرک اړوند د یاد ولایت د بندر والۍ له پاره د موټرونو تمځای د جوړولو پروژه نن د ګمرکونو او عوایدو معین الحاج مفتي عبدالمتین سعید او ولایتي مسؤلینو په شتون کي پیل سوه.
د موټرونو دغه تمځای په شاوخوا (۴۷) جریبه ساحه کي په اساسي ډول جوړېږي، چي په جوړېدو سره به ئې د ګمرک کارکوونکو، سوداګرو او موټر چلوونکو ته په بېلابېلو برخو کي ګڼي اسانتیاوي برابري سي.
د یادولو وړ ده، چي د یادي پروژې لګښت د مالیې وزارت له پراختیایي بودیجې څخه ورکول کېږي او چاري به ئې د یوه افغاني شرکت له لوري تر راتلونکو شپږو میاشتو پوري بشپړي سي
