نړيوال بانک له افغانستان سره د کرونا واکسين د تمويل په برخه کې ١١٣ ميليونه ډالر مرسته کوي
د ماليې وزارت مالي مرستيال ښاغلي عبدالحبيب ځدراڼ د عامې روغتيا وزارت، نړيوال بانک او د اسيا پراختيايې بانک له استازو سره وکتل.
په دې ناسته کې د افغانستان لپاره د کرونا واکسين په تمويل، په دې برخه کې د مرستو د اغيزمن لګښت او له مرسته کيدونکو تجهيزاتو څخه د ښې ګټې اخيستنې لپاره په پلان جوړولو او يو شمير نورو اړوندو مسايلو په ټراو بحث او نظرونو تبادله وشوه.
ټاکل شوى ده چې په افغانستان کې د کرونا واکسين د تمويل په موخه نړيوال بانک ١١٣ ميليونه امريکايې ډالر او د اسيايې پراختيا بانک ٥٠ ميليونه امرکايې ډالره مرسته وکړي.
په دې ناسته کې د نړيوال بانک له لوري د ١١٣ ميليونه ډالرو د کيدونکې مرستې هوکړه نهايې او ټاکل شوې ده چې په نږدې راتلوونکې کې لاسليک شي.
