هیواد له صنعتکارانو سره د دوی د ستونزو اورېدو او حل لارو په اړه بحث او خبري وسوې
د ا.ا.ا د عوایدو او ګمرکونو په چارو کي د مالیې وزارت د مقام سلاکار اسدالله ساجد(خبیب)، د ګمرکونو لوی ریاست د عملیاتي چارو له مرستیال محمد عمر مومند، د مشورتي بورډ غړي انجینر سیف الله، د افغانستان د صنایع او کانونو خوني رئیس شیرباز کمین زاده او د هیواد په کچه د ۶۶ تولیدي شرکتونو له مسؤلینو سره د عوایدو او ګمرکونو په معینیت کې ناسته وکړه.
د دې ناستې موخه په هیواد کي د صنعتي شرکتونو ستونزي اورېدل او حل لاري او د یادو شرکتونو د تولیداتو په کیفیت، کمیت او قیمت بحث او خبري وسوې.
د ناستې په پیل کي د افغانستان د صنایع او کانونو خوني رئیس او صنعتي شرکتونو استازو د خپلو شرکتونو د تولیداتو په اړه د ناستې ګډونوالو ته هر اړخیز معلومات ورکړل او په دې برخه کي یې د شته ستونزو د حل غوښتنه وکړه.
د عوایدو او ګمرکونو په چارو کي د مالیې وزارت د مقام سلاکار او د ګمرکونو لوی ریاست د عملیاتي چارو مرستیال دوی ته ډاډ ورکړ، چي شته ستونزو ته به یې د قانون په رڼا او مالي امکاناتو ته په کتو رسېدنه کوي او له دوی یې وغوښتل چي د تولیداتو په برخه کي کیفیت، کمیت او قیمت ته ځانګړې پاملرنه وکړي او خپلو فعالیتونو ته د پخوا په څېر دوام ورکړي ترڅو خلک له راپېښ سوي اقتصادي وضعیت څخه زیانمن نه سي.
