په مزار شریف کي د یو ستر سوداګریز مرکز د بنسټ ډبره کښېښودل سوه
خصوصي سکټور په یوه هیواد کي د اقتصادي ودي مهمه برخه جوړوي، پر همدې اساس د مالیې وزارت خصوصي سکټور ته د پرمختګ او اوږه په اوږه کار کولو لپاره لازم فرصتونه رامنځته کوي؛ د همدې فرصتونو په لړ کي په مزار شريف ښار کي د يوه ستر سوداګريز مرکز جوړېدل دي، چي د ماليې وزير ملا هدايت الله بدري له خوا يې د بنسټ ډبره کښېښودل سول.
په دغه سوداګریز مرکز کي يو ستر هوټل، د د درملو پلورلو مارکيټ، دوکانونه، د موټرو تم ځای او ورزشي کلپونو شامل دي، چي د (۴۵۰) میلیونه افغانیو په لګښت په ۲۴ زره متره مربع مساحت کي د خصوصي سکټور له خوا پانګونه کيږي.
د ماليې وزارت هڅه کوي چي د خصوصي سکتور د سرمايه ګذاری دپاره داسي نور فرصتونه هم برابر کړي.
