د مالیې وزارت د پالیسۍ مرستیال د افغانستان او ایران ترمنځ د اقتصادي کمېسیون په چارو کې د ایران د انرژۍ وزیر له مرستیال سره وکتل
د مالیې وزارت د پالیسۍ مرستیال ښاغلي نذیر کبیري، د کب میاشتې په ۱۰ مه نېټه د افغانستان او ایران ترمنځ د اقتصادي کمېسیون په چارو کې د ایران د انرژۍ وزیر له مرستیال ښاغلي علي عدالت، سره په مالیې وزارت کې وکتل.
په دې کتنه کې دواړو لوریو د افغانستان او ایران ترمنځ د دوه اړخیزه اقتصادي او سوداګریز کمېسیون شپږمې ناستې په جوړېدو خبرې او د نظرونو تبادله وکړه.
ټاکل شوې ده، چې د افغانستان او ایران ترمنځ دوه اړخیزه اقتصادي او سوداګریز کمېسیون شپږمه ناسته په نږدې راتلونکی کې په کابل کې ترسره شي.
