په لومړي ځل د خوست او ابونصر فراهي په ګمرکونو کي د صادراتي توکو د وزن معلومولو لپاره تلي ګټي اخیستني ته وسپارل سوې
د ګمرکونو لوی ریاست په لومړي ځل د خوست او ابونصرفراهي په ګمرکونو کي د صادراتي توکو د دقیق وزن معلومولو په موخه انالوګ تلي فعاله او ګټي اخیستني ته وسپارلې.
د یادو تلو په فعالولو سره سوداګرو، موټر چلونکو او د ګمرک کارکونکو ته د اسانتیا برابرولو تر څنګ د زیات وزن او د ملي عوایدو له تېښتي څخه به هم مخنیوی وسي.
د ابونصرفراهي ګمرک نوې فعاله سوې تله ۲۲ متره اوږوالی او ۱۰ دانې لوډسیلونه لري، همداشان د خوست ګمرک تله ۱۸ متره اوږدوالی او ۸ دانې لوډسیلونه لري، چي هره تله د ۱۵۰ ټنه وزن د پورته کولو وړتیا لري.
پر یادو تلو شاوخوا ۸ میلیونه افغانۍ لګښت راغلی، چي پیسې ئې د مالیې وزارت له بودیجې څخه تمویل سوي دي او کار ئې د یو افغاني شرکت له لوري د درېیو میاشتو په موده کي پای ته ورسېد.
د یادوني وړ ده، چي ډیر ژر به د نیمروز ګمرک او حیرتانو بندر کي هم د صادراتي توکو لپاره ورته تلي ګټي اخیستني ته وسپارل سي.
