د کندهار ګمرک رئیس د خوړو او درملو ملي ادارې له رئیس سره وکتل!
د کندهار ګمرک رئيس الحاج مولوي سفر محمد سحر په خپل کاري دفتر کي د خوړو او درملو ملي ادارې له رئيس ډاکټر عبدالباري عمر سره وکتل.
په پیل کي د کندهار د ګمرک رئیس نوموړي ته ښه راغلاست ووایه، چي وروسته بیا دواړو لوریو د انسان د روغتیا په ارزښت او ورپېښو خطرونو، د خوړو او درملو د حساسيت، د درملو د را واردولو په اصولو او مقررو، ملي ستراتيژۍ او طرزالعملونو، د قاچاق د مخنيوي، د معيار او کيفيت د کنټرول، د درملو د قرنطين او ګودام کولو، د بې کيفيته خوراکي توکو او درملو په استهلاک او مخنيوي، د ملي توليداتو د ملاتړ او ساتني او یو شمېر نورو اړوندو مسایلو په تړاو هر اړخیزي خبري وکړې.
په پای کي پرېکړه وسوه، چي د دواړو ادارو ترمنځ تلپاتي همکاري او همغږي رامنځته سي؛ ترڅو په ګډه د قاچاقي درملو را واردولو او د ګمرکي محصول د تېښتي مخنیوی وسي.
