د کابل په ګمرک کي د سوداګریزو توکو د وزن معلومولو له پاره یوه پایه تله ترمیم او ګټي اخیستني ته وسپارل سوه!
د کابل په ګمرک کي د سوداګریزو توکو د وزن معلومولو له پاره یوه پایه تله ترمیم او ګټي اخیستني ته وسپارل سوه!
د مالیې وزارت د ګمرکونو لوی ریاست د کابل ولایت په ګمرک کي د څه باندي دوه میلیونه افغانیو په ارزښت د صادراتي او وارداتي سوداګریزو توکو د وزن معلومولو له پاره یوه پایه انالوګ تله ترمیم او ګټي اخیستني ته وسپارله.
یاده تله، د (۱۲۰) ټنه وزن معلومولو په ظرفیت سره (۲۴) متره اوږوالی او (۳) متره پلنوالی لري. دا تله پخوا غیر معیاري نصب سوې وه، چي اوس مهال ترمیم او په دې برخه کي سته ستونزي هم ور سره حل سوي دي.
د یادوني وړ ده، چي د مالیې وزارت د هیواد په ټولو ګمرکونو کي معیاري تلي نصب کړي دي، چي له دې سره د سوداګریزو توکو د اضافه وزن او د ملي عوایدو له ضایع کېدو څخه مخنیوي سوی دئ.
