د ننګرهار په ګمرک کي د (۸،۵) میلیونه افغانیو په ارزښت د جغل اچوني چاري پیل سوې!
د مالیې وزارت د ګمرکونو لوی ریاست د څه باندي (۸،۵) میلیونه افغانیو په ارزښت، د ننګرهار ګمرک د موټرونو په تم ځای کي د جغل اچوني چاري پیل کړې.
د دې پروژې له لاري به د ننګرهار په محصولي ګمرک کي د موټرونو په دوو لویو تم ځایونو کي په اساسي ډول جغل اچونه وسي او چاري به ئې تر راتلونکو درېيو میاشتو پوري بشپړي سي، چي په پلي کېدو سره به ئې موټر چلوونکو او د ګمرک کارکوونکو ته ګڼي اسانتیاوي برابري سي.
د یادوني وړ ده، چي د مالیې وزارت له خپلي پراختیایي بودیجې څخه له دې وړاندي هم، په ګڼو ګمرکونو کي پراختیایي پروژې پلي کړي دي او ځیني ئې د پلي کېدو په حال کي دي.
