د مالیې وزیر کونړ ولایت ته سفر وکړ!
د سلواغې ۲۱مه ١٤٠٣هـ.ل
د مالیې وزیر الحاج ملا محمد ناصر اخوند، د خپلو رسمي ولایتي سفرونو په لړ کي، د دغه وزارت د مالي او اداري سلاکار او د عوایدو لوی ریاست د حقوقي خدمتونو او پالیسۍ د رئیس په ملتیا کونړ ولایت ته سفر وکړ.
نوموړي، د دغه سفر په لړ کي د کونړ ولایت له مستوفیت او هلته د ملي بانک او نوي کابل بانک د ولایتي څانګو له چارو څخه د ليدني پرمهال؛ د عوایدو راټولولو بهیر، په لګښتونو کي د سپما اصل په نظر کي نیول او د بانکي خدمتونو چاري له نږدې وارزولې او د چارو د لا ښه والي په موخه ئې مسئولینو ته لازمي سپارښتني وکړې.
د مالیې وزیر او مل پلاوي د ولایتي مسئولینو پرمختګونه وستایل او د هغوی ستونزي ئې هم واورېدې، چي سته ستونزو ته د رسېدو په موخه د اصولي اجراآتو بشپړ ډاډ ورکړل سو.
د یادولو ده، چي د کونړ ولایت مستوفیت په روان مالي کال کي د غیر ضروري لګښتونو مخنیوی کړی دئ او ټاکل سوی عوایدي هدف ئې له پلان سره سم، په ښه ډول ترلاسه کېږي.
