په تېرو دوو اونیو کي د هیواد په بېلابېلو ولایتونو کي زیاته اندازه قاچاقي توکي نیول سوي دي!
د زمري ۲۷مه ۱۴۰۴هـ.ل
د مالیې وزارت د ګمرکونو لوی ریاست د ګرځنده څارني کارکوونکو په تېرو دوو اوونیو کي د هرات، کندهار، نیمروز، فراه او هلمند ولایتونو په بېلابېلو سیمو کي په زیاته اندازه قاچاقي توکي نیولي دي، چي قاچاق کوونکو غوښتل له ګمرکي محصول پرته ئې په قاچاقي ډول افغانستان ته راوړي.
په نیول سویو توکو کي (۲۷۹۷۶) کیلو ګرامه چاکلېټ، (۷۱۸۴) کیلو ګرامه انساني طبي درمل، (۲۵۵۲) کیلو ګرامه زراعتي درمل، (۳۱۱۹) کیلو ګرامه مالګه، (۷۳۶) کیلو ګرامه پنیر، (۲۱۰۰) کیلو ګرامه هګۍ، (۲۷۰) کیلو ګرامه تشي پلاسټیکي قطۍ، (۹۶) کیلو ګرامه د چلم مېوه، (۲۸۰) کیلو ګرامه پلاسټیکي کڅوړي، (۵۰۰) کیلو ګرامه اچار، (۱۶۰) کیلو ګرامه نوې البسه، (۵۶۵) کیلو ګرامه شامپو، (۱۵۰) کیلو ګرامه لوبیا (۴۰۰) کیلو ګرامه د جوسونو پایپونه او (۷۰) کیلو ګرامه رُب شامل دئ.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارنه کوي او هیچا ته اجازه نه ورکوي، چي ممنوعه او قاچاقي توکي ولېږدوي.
