د مالیې وزارت سرپرست اطلاعاتو ته د لاسرسي کمېسیون له رئیس سره وکتل
د مالیې وزارت سرپرست او د زېربنا په چارو کې د ولسمشرۍ عالي سترسلاکار ښاغلي ډاکټر محمد همایون قیومي، د غبرګولې میاشتې په ۷ مه نېټه اطلاعاتو ته د لاسرسي کمېسیون رئیس ښاغلي عین الدین بهادري، چې د دې کمېسیون نورو غړو هم شتون درلود وکتل.
په دې کتنه کې دواړو لوریو د نوموړي کمېسیون د بودیجې په ستونزو، د اطلاع رسونې په اهمیت او اهدافو، د یاد کمېسیون د فعالیتونو په تګلاره، د دولتي ادارو د اطلاع رسونې په سرچینو، کمېسیون ته د اطلاعاتو وړاندي کولو په څرنګوالې او نورو وړ مسائلو په تړاو خبرې او د نظرونو تبادله وکړه او دواړو اړخونو ملت ته د حساب او عامه پوهاوي ورکولو په رواجولو ټینګار وکړ.
د مالیې وزارت سرپرست، اطلاعاتو ته د لاسرسي کمېسیون رئیس ته یادونه وکړه، چې بودیجوي ستونزې دي د مالیې وزارت بودیجې عمومي ریاست ته وړاندي کړي، څو د نافذه قوانینو په رڼا کې لاسرسی ورته وشي.
