د عوایدو لوی ریاست او د بغلان ولایت د سيکټوري ریاستونو استازو د مالیاتي ظرفیت لوړوني په موخه سره وکتل
د مرغومي ۲۱مه ۱۴۰۴هـ.ل
د مالیې وزارت د عوایدو لوی ریاست استازو د بغلان ولایت د سيکټوري ریاستونو له استازو، د بغلان مستوفي او د مالي چارو له کارکوونکو سره د مالیاتي ظرفیت لوړوني په موخه د یاد ولایت د مستوفیت د غونډو په تالار کي سره وکتل.
د ناستي په پیل کي د بغلان مستوفي مولوي بشیر احمد نعماني د ترتیب سوي ناستي پر اهمیت، د غیر مالیاتي عوایدو د زیاتوالي پر لارو چارو او د پرمختګ له پاره د ادارو ترمنځ د همغږۍ پر ارزښت خبري وکړې.
وروسته بیا د عوایدو لوی ریاست د استازو له لوري ګډونوالو ته د غیرمالیاتي عوایدو د ترلاسه کولو پر څرنګوالي، په ټایس سیسټم کي د قراردادونو د ثبت پر لارو چارو، د موضوعي مالیاتو وضع کولو پر نورمونو او د مالیاتي پروسیجرونو په تړاو بشپړ معلومات وړاندي سول.
په پای کي د غیرمالیاتي عوایدو را ټولولو او مالیاتو په برخه کي د ګډونوالو پوښتني ځواب، نظریات او غوښتني ئې د راتلونکو اقداماتو په موخه یاداښت سوې.
