د ګمرکونو او عوایدو معینیت د اړوندو ریاستونو ترمنځ د همغږۍ څلورمه ناسته وشوه
د تلې۶مه۱۴۰۵ هـ.ل
د ګمرکونو او عوایدو معین الحاج ملا نعمت الله حسن په مشرۍ د یاد معینیت د اړوندو ریاستونو ترمنځ د (۱۴۴۸) هـ.ق کال د همغږۍ څلورمه ناسته و شوه.
په پیل کې د ګمرکونو او عوایدو معین د دا ډول ناستو د ارزښت په اړه خبرې وکړې او ویې ویل، چې د اړوندو ریاستونو ترمنځ دوامداره همغږي او د نظرونو تبادله د چارو د لا ښه تنظیم، د شته ستونزو د تشخیص او پر وخت د حل لپاره مهمه ده. نوموړي ټینګار وکړ، چې د ګډ کار او متقابلې همکارۍ له لارې کولای شو اداري چارې لا اغېزمنې او منظمې پر مخ یوسو.
ورپسې د (۱۴۴۸) هـ.ق کال د همغږۍ د درېیمې ناستې د موضوعاتو او پرېکړو په اړه راپور وړاندې شو او د ترسره شوو اقداماتو په تړاو معلومات شریک شول.
همدارنګه په دې ناسته کې د نفتي توکو د کیفیت د کنټرول لوی ریاست د نظام (سیسټم) د پلي کېدو، د قراردادونو اړوند موضوعاتو، د استعلامونو د ځوابونو او د اړوندو معلوماتو د وړاندې کولو په اړه هر اړخیز بحث او د نظرونو تبادله وشوه.
په پای کې د یادو موضوعاتو د لا ښه تنظیم او عملي کېدو په موخه پر یو شمېر مواردو لازمې پرېکړې وشوې او اړوندو مسئولینو ته د چارو د ښه او پر وخت ترسره کولو په اړه لازمې سپارښتنې وشوې.
