د اوبو رسوني او هم مسیره پروژو د پېژندني او پلي کولو په موخه د همغږۍ ناسته وسوه!
د مالیې وزارت د پالیسۍ معین انجنیر سلطان محمد زبیر په مشرۍ جوړه سوې غونډه کي، چي د کابل ښاروالۍ ساختماني مرستیال انجنیر عامر زمرک یاسر، د اوبو رسوني دولتي شرکت لوی رئیس او د مالیې وزارت یو شمېر رئیسانو هم ګډون درلود، د هم مسیره او اوبو رسوني پروژو د پېژندني او تطبیق په موخه خبري وسوې.
په دغه ناسته کي، د نورو رغنیزو پروژو ترڅنګ د اوبو رسوني شبکو د پېژندني او تطبیق، په دې برخه کي د تخنیکي ځانګړتیاوو د وړاندي کولو او د هم مسیره پروژو د هم مهاله پلي کولو په موخه د ښې همغږۍ پر رامنځته کولو خبري وسوې.
د کابل ښاروالۍ له لوري د نویو پروژو او په ځانګړي ډول د کابل له سرای شمالي څخه تر بادام باغ پوري د سړک رغوني پروژې سره په هم مهاله توګه د اوبو رسوني پروژې د پلي کولو په موخه د همکارۍ غوښتنه وسوه، چي د ښاري اوبو رسوني شرکت له لوري د پوره همکارۍ او چمتوالي ډاډ ورکړل سو.
همدا راز ټینګار وسو، چي د رغنیزو پروژو له تطبیق سره هم مهاله دي، د اوبو رسوني پروژې هم پلي سي؛ تر څو په دې برخه کي په انفرادي توګه د هم مسیره پروژو د پلي کېدلو، بیا ځلي اجراآتو، تخریب او اضافي لګښت څخه مخنیوی وسي.
